مؤيد عبد الأمير
09-12-2010, 01:05 AM
قصيدة فكاهية ساخرة من تأليف الشاعر " مبعوث الرحمة الإلهية " تحكي غلاء المهور
واضطهاد الشباب والكبت الأسري الذي يعشش في المجتمعات
" العريـــــــــــــــــــس "
سبحان من يعطي البخيل الملاييـن -
المعطي اللي ما يخيب الرجـا بـه
لي عـــم فـــــاتح بنك ولد الملاعين
أموت واعرف بس من وين جابـه
وإذا سألــته قـال بــــــعـت الدكاكيـن
ما يدري إني ما هـضمت الإجابــه
الشاهـــــد إني رحت له قبـل يوميـن
في قصـــره الساحـر ودقيـت بابـه
" المليونـــــــــــــــــــير "
قال أهـــلا أهــــلا كثر ورد البساتين
يا مرحـبا باللـي لـفـى يـا هــــلابـه
أجمل تحــية معطّـــــــرة بالرياحيـن
يا شيخ شمل اهــل الكرم والذرابـه
يقول وش تامرعلى الراس والعين
وآمر .. أوامــر حضرتك مستجابـه
" العريـــــــــــــــــــس "
قلت الصراحة طالبٍن قــرب غاليـن
ودي تـــزوجنـي كريـــــمتـك يـابـه
" المليونـــــــــــــــــــير "
ثــنّى وقال اهـــــليـن والله وسهليـن
والكون ترخص لجـل عينك رقابـه
لكن ترا عندي شـروط وقـــــوانيـن
- العريس -
قلت اشرط اشرط يا حبيب الغلابـه
" المليونـــــــــــــــــــير "
قال أولاً مهر العروسـة ثمانيـن- المليونير
غيــــــرالرســــــــــــوم وغيرحق العصابـة
والثانيـــــــــــــــة عــــمّك يبي منك سبعين
رســــــــــم الأبــــــــــوّة والنسب والقرابة
وأم العروســــــــــــة حـــــقها منك ستّــين
عشانهـــــــــــــــا ستّ الحســن والمهابة
وكـــــــــل واحد من إخوانها له خمسين
عــدًّا ونقـــــــــــــــدُا تنـــدرج في حسابه
وخواتها الخمــــــــــس أعطهن بالثلاثين
عــــشان تتوثّـــــــــــق عروق النــسابة
وتجيـــــــــــب طقم عيار واحد وعشرين
وخاتــــم من ألماس المصفّى ترابـــــه
وأكــــــــياس متروسة هـدوم وفساتين
ألــــوانها وأشكالهــــــا ما تشابــــــــه
وسيارة بســــــوّاق وفيـــــــــلا بدورين
أثاثـــــــــــهـــا من كشخــــته ينحكى به
واحجــــــــز لنا قاعـــة بقصر السلاطين
وفــــــــــرقـــــة مع رقاصتين وربـــابة
وبوفيــــــــه مفتوح وسط مسبح دلافــين
مــــــــن أرقى أنواع الأكل مع شرابه
وتهـــــــــدي شرايح اتصــالات من زين
وتسلم من لسان اللي جاك وعتابه
ووزع مصاحف تذكــــرة للمساجين
ويلمع لهم نــــور الأمل مع شهابه
وعط كل فقير بهالبلد بس خروفيــن
ووزع بقايا عــــــظامها حق كلابه
هذي الشروط اللي على بالي الحين
ودّي نسيبي يهــــزّ كـــل الشنــابه
" العريــــــــــــــــــــــــــــــــس "
قلت اذكر الله يا عـدو المساكيـن
واستغـــفره لا يبـتـليــك بـعــذابـــه
اش رايك أوزع لك على الباب سردين
وأعطّــــر الضيـــــف بذهابه وإيابه
وأجـــــيب لك كـــــيك وحلا بالكراتين
عـــــشان تشعر بالسموّ والصلابه
مــــالت على البمبر نعم بو السناسين
طـــــــايح طنز فيني حضرة جنابه
أقول ما في إلا الضعوي يا بو شاهـين
ما تخاف أبد من سطوة الله وعقابه
ما باقي إلا تـــــقول لي جيــب هيروين
وقل هذا من حرز العريـس وحجابه
والله .. لو إني بـــناســــب شياطين
كــان قابلوني بالفرح والرحابـه
أنت لعنبو وجهك تبي مني سبعين
ماالت عليها يا غبر من قرابــة
وستـــــين للعمّة ولا تسوى ستّين
لا طقّها لون الحســن والمهابة
وعــــيالك لكل واحد تقول خمسين
وشف كل واحد عنده كم بحسابه
وخمس الخوات تبي لهم بالثلاثين
قطعت كل عرق نبض بالنسابة
وتــــبي طقم فاخر واحد وعشريــن
وخاتم من ألماس المصفّى ترابه
وأكياس متروسة هـدوم وفساتـــين
ألــــوانها وأشكالهــــــا ما تشابه
وسيارة بســـــوّاق وفــــيلا بدورين
أثاثهـــا من كشخــــته ينحكى به
لك منــــــي قاعـة في محطات بنزين
وشلّة غجر لك يعزفون الربــابة
وبوفيه مفتوح وسط مسبح حراسـين
وكــــل سندويشة فيها حبّة كبابه
من جاكم بيخطب قسمتوه نصّين
وبشروطكم تحللون اغتصابه
الظاهر إنك منت عارف أنا مين
أنا لو أرقى فوق متن السحابة
ما جبت حتى نص درزن مواعين
واضحك بكيفك واعتبرها دعابة
شروطكم هذي شروط المجانين
شروطكم شغل ابتزاز ونهابة
شروطكم تقصم ظهور البعارين
وتجيب للوجه الضحوك الكآبة
شروطكم هذي سيوف وسكاكين
تذبح بنات المجتمع مع شبابه
وين الرضا والعظف واليسر واللين
اللي ذكرها الله بمحكم كتابـــــــــه
وين الوصايا اللي يوصي بها الدين
وين اختفى نهج النبي والصحابة
يا عمّ جعل اللي خلقنا من الطين
يرد عقلك من خطاه لصوابــــــــــه
ويجعل نصيبي عند غيرك قل آمين
ويحسن عزا الصابر ويجزل ثوابه
" المليونيــــــــــــــــــر "
قال انت لو فكرت تفكير صاحين
ما شفت في مجمل شروطي غرابة
احنا بعصر العولمة والمزايــــــــــين
ما هو بعصر الفلسفة والخطابــــــــة
النـــــــــاس تسعى للرتب والنياشين
وهمها الريال وسعيها لاكتسابــــــه
لو قلت عن هذا الزمن لك دواويـــن
ما ينفع وجيبك حبيبي خرابـــــــــــــة
يابوك خـــــــــــــل الفرعنة للفراعين
واسأل مجرب عيشتــــــه وسط غابة
" العريـــــــــــــــــــــــس "
قلت الله أكبر يا محرر فلسطيــــــــن
من يسمعك يحسبك ذيب الذيابــــــــة
تراك شايب راس مالك رياليــــــــن
وبنتك ولا تسوى جناح الذبــــــــابة
" المليونيـــــــــــــــــــــر "
قال انقلع مالت على وجهك الشين
بنتي مثال من الأدب والذرابـــــــــة
فلوسي تغطيك وتغطي الصيـــــــن
وإن جيتني ثــــــاني بجيب النيابة
" العريــــــــــــــــــــس "
قلت ابشر ابشر لكن الباب من وين
وقمت وطلعت وهو يشقق ثيابــــه
إلى جميع الأحبة في منتدى نور المهدي المبارك
أرجو أن تكون قد نالت رضاكم واستحسانكم
تحياتي
مبعوث الرحمة الإلهية
واضطهاد الشباب والكبت الأسري الذي يعشش في المجتمعات
" العريـــــــــــــــــــس "
سبحان من يعطي البخيل الملاييـن -
المعطي اللي ما يخيب الرجـا بـه
لي عـــم فـــــاتح بنك ولد الملاعين
أموت واعرف بس من وين جابـه
وإذا سألــته قـال بــــــعـت الدكاكيـن
ما يدري إني ما هـضمت الإجابــه
الشاهـــــد إني رحت له قبـل يوميـن
في قصـــره الساحـر ودقيـت بابـه
" المليونـــــــــــــــــــير "
قال أهـــلا أهــــلا كثر ورد البساتين
يا مرحـبا باللـي لـفـى يـا هــــلابـه
أجمل تحــية معطّـــــــرة بالرياحيـن
يا شيخ شمل اهــل الكرم والذرابـه
يقول وش تامرعلى الراس والعين
وآمر .. أوامــر حضرتك مستجابـه
" العريـــــــــــــــــــس "
قلت الصراحة طالبٍن قــرب غاليـن
ودي تـــزوجنـي كريـــــمتـك يـابـه
" المليونـــــــــــــــــــير "
ثــنّى وقال اهـــــليـن والله وسهليـن
والكون ترخص لجـل عينك رقابـه
لكن ترا عندي شـروط وقـــــوانيـن
- العريس -
قلت اشرط اشرط يا حبيب الغلابـه
" المليونـــــــــــــــــــير "
قال أولاً مهر العروسـة ثمانيـن- المليونير
غيــــــرالرســــــــــــوم وغيرحق العصابـة
والثانيـــــــــــــــة عــــمّك يبي منك سبعين
رســــــــــم الأبــــــــــوّة والنسب والقرابة
وأم العروســــــــــــة حـــــقها منك ستّــين
عشانهـــــــــــــــا ستّ الحســن والمهابة
وكـــــــــل واحد من إخوانها له خمسين
عــدًّا ونقـــــــــــــــدُا تنـــدرج في حسابه
وخواتها الخمــــــــــس أعطهن بالثلاثين
عــــشان تتوثّـــــــــــق عروق النــسابة
وتجيـــــــــــب طقم عيار واحد وعشرين
وخاتــــم من ألماس المصفّى ترابـــــه
وأكــــــــياس متروسة هـدوم وفساتين
ألــــوانها وأشكالهــــــا ما تشابــــــــه
وسيارة بســــــوّاق وفيـــــــــلا بدورين
أثاثـــــــــــهـــا من كشخــــته ينحكى به
واحجــــــــز لنا قاعـــة بقصر السلاطين
وفــــــــــرقـــــة مع رقاصتين وربـــابة
وبوفيــــــــه مفتوح وسط مسبح دلافــين
مــــــــن أرقى أنواع الأكل مع شرابه
وتهـــــــــدي شرايح اتصــالات من زين
وتسلم من لسان اللي جاك وعتابه
ووزع مصاحف تذكــــرة للمساجين
ويلمع لهم نــــور الأمل مع شهابه
وعط كل فقير بهالبلد بس خروفيــن
ووزع بقايا عــــــظامها حق كلابه
هذي الشروط اللي على بالي الحين
ودّي نسيبي يهــــزّ كـــل الشنــابه
" العريــــــــــــــــــــــــــــــــس "
قلت اذكر الله يا عـدو المساكيـن
واستغـــفره لا يبـتـليــك بـعــذابـــه
اش رايك أوزع لك على الباب سردين
وأعطّــــر الضيـــــف بذهابه وإيابه
وأجـــــيب لك كـــــيك وحلا بالكراتين
عـــــشان تشعر بالسموّ والصلابه
مــــالت على البمبر نعم بو السناسين
طـــــــايح طنز فيني حضرة جنابه
أقول ما في إلا الضعوي يا بو شاهـين
ما تخاف أبد من سطوة الله وعقابه
ما باقي إلا تـــــقول لي جيــب هيروين
وقل هذا من حرز العريـس وحجابه
والله .. لو إني بـــناســــب شياطين
كــان قابلوني بالفرح والرحابـه
أنت لعنبو وجهك تبي مني سبعين
ماالت عليها يا غبر من قرابــة
وستـــــين للعمّة ولا تسوى ستّين
لا طقّها لون الحســن والمهابة
وعــــيالك لكل واحد تقول خمسين
وشف كل واحد عنده كم بحسابه
وخمس الخوات تبي لهم بالثلاثين
قطعت كل عرق نبض بالنسابة
وتــــبي طقم فاخر واحد وعشريــن
وخاتم من ألماس المصفّى ترابه
وأكياس متروسة هـدوم وفساتـــين
ألــــوانها وأشكالهــــــا ما تشابه
وسيارة بســـــوّاق وفــــيلا بدورين
أثاثهـــا من كشخــــته ينحكى به
لك منــــــي قاعـة في محطات بنزين
وشلّة غجر لك يعزفون الربــابة
وبوفيه مفتوح وسط مسبح حراسـين
وكــــل سندويشة فيها حبّة كبابه
من جاكم بيخطب قسمتوه نصّين
وبشروطكم تحللون اغتصابه
الظاهر إنك منت عارف أنا مين
أنا لو أرقى فوق متن السحابة
ما جبت حتى نص درزن مواعين
واضحك بكيفك واعتبرها دعابة
شروطكم هذي شروط المجانين
شروطكم شغل ابتزاز ونهابة
شروطكم تقصم ظهور البعارين
وتجيب للوجه الضحوك الكآبة
شروطكم هذي سيوف وسكاكين
تذبح بنات المجتمع مع شبابه
وين الرضا والعظف واليسر واللين
اللي ذكرها الله بمحكم كتابـــــــــه
وين الوصايا اللي يوصي بها الدين
وين اختفى نهج النبي والصحابة
يا عمّ جعل اللي خلقنا من الطين
يرد عقلك من خطاه لصوابــــــــــه
ويجعل نصيبي عند غيرك قل آمين
ويحسن عزا الصابر ويجزل ثوابه
" المليونيــــــــــــــــــر "
قال انت لو فكرت تفكير صاحين
ما شفت في مجمل شروطي غرابة
احنا بعصر العولمة والمزايــــــــــين
ما هو بعصر الفلسفة والخطابــــــــة
النـــــــــاس تسعى للرتب والنياشين
وهمها الريال وسعيها لاكتسابــــــه
لو قلت عن هذا الزمن لك دواويـــن
ما ينفع وجيبك حبيبي خرابـــــــــــــة
يابوك خـــــــــــــل الفرعنة للفراعين
واسأل مجرب عيشتــــــه وسط غابة
" العريـــــــــــــــــــــــس "
قلت الله أكبر يا محرر فلسطيــــــــن
من يسمعك يحسبك ذيب الذيابــــــــة
تراك شايب راس مالك رياليــــــــن
وبنتك ولا تسوى جناح الذبــــــــابة
" المليونيـــــــــــــــــــــر "
قال انقلع مالت على وجهك الشين
بنتي مثال من الأدب والذرابـــــــــة
فلوسي تغطيك وتغطي الصيـــــــن
وإن جيتني ثــــــاني بجيب النيابة
" العريــــــــــــــــــــس "
قلت ابشر ابشر لكن الباب من وين
وقمت وطلعت وهو يشقق ثيابــــه
إلى جميع الأحبة في منتدى نور المهدي المبارك
أرجو أن تكون قد نالت رضاكم واستحسانكم
تحياتي
مبعوث الرحمة الإلهية